Núna er komið að hverfakosningu Hverfið mitt 2018. Grafarvogur á 61 milljón. Í ár hefur kosningaaldurinn verið lækkaður í 15 ára! Það þýðir að allir sem verða 15 ára á árinu mega kjósa í kosningunum sem fara fram 17. – 30. október
Það að 15 ára einstaklingar geta kosið er stórt tækifæri til þess að efla lýðræðisvitund ungs fólks sem og hvetja til þess að ungt fólk opni augun fyrir nærumhverfi sínu. Hvað er að gerast í hverfinu mínu OG hvernig vil ég að mitt hverfi líti út og þróist?
Þátttaka í Hverfið mitt getur skipt sköpum og haft áhrif til frambúðar á þitt hverfi.
Til þess að geta kosið þarf að auðkenna sig með rafrænum skilríkjum eða íslykli.
Ef einstaklingur á ekki rafræn skilríki er hægt að sækja um slík með forráðamanni.
Ef einstaklingur á ekki Íslykil getur einstaklingur sótt um þau og fengið sent í heimabanka.
Ef einstaklingurinn á ekki heimabanka er hægt að fá Íslykilinn sendan heim með bréfpósti.
