Félagsmiðstöðva dagurinn 2017 verður haldinn í félagsmiðstöðvum landsins þann 1.nóvember. Samfés, samtök félagsmiðstöðva og ungmennahúsa á Íslandi standa fyrir deginum en með honum eru allir hvattir til að heimsækja sína gömlu félagsmiðstöð eða þá sem er í þeirra hverfi. Allir eru velkomnir og við bjóðum sérstaklega velkomna alla aðstandendur barna og unglinga í hverfinu. Félagsmiðstöðvar Grafarvogs eru Höllin, Sigyn, Púgyn, Dregyn og Fjörgyn og munu þær allar hafa opið hús frá klukkan 19-22 þetta kvöld, nema Höllin sem býður í heimsókn frá klukkan 17-19. Dagskrá hverrar félagsmiðstöðvar er mismunandi en þær má finna á heimasíðum þeirra á www.gufunes.is. Í ár er svo tvöföld gleði hjá Höllinni og Sigyn en báðar halda þær upp á stórafmæli sem verður fagnað samhliða félagsmiðstöðva deginum. Höllin fagnar 10 ára afmæli og Sigyn 20 ára afmæli. Það verður því mikið um dýrðir í Grafarvogi í ár og við óskum eftir metmætingu hverfisbúa.
Dagskráin í Dregyn
- 19:00 Húsið opnar
- 19:20 Kynning á starfsemi
- 19:50 Skrekkur
- 20:00 Hjartsláttur
- 21:10 Varúlfur
- 21:40: Húsið lokar
Dagskráin í Púgyn
- 19:00 – Húsið opnar.
- 19:15 – Kynning á starfinu frá Formanni nemendaráðs henni Birtu Hrönn Ingimarsdóttur.
- 19:30 – Skrekksatriðið frumsýnt.
- 20:00 – Smiðju : Forráðamenn og börn eru hvött til þess að taka þátt í þeim saman. Skráning í smiðjunnar fara fram staðnum. Í boði verður:
- Sverðagerð: Magnús og Bjarki munu fara yfir listina að búa til sverð og önnur vopn sem hægt er að nota t.d til að LARPA. Þið kynnist því hvað LARP er í smiðjunni.
- Brjóstsykursgerð: Stefanía og Helga búa til gómsæta mola og kenna áhugasömum hvernig eigi að bera sig að við brjóstsykursgerð.
- 22:00 Húsið lokar
Dagskráin í Fjörgyn
- 19:00 – Húsið opnar
- 19:15 – Kynning frá formanni og varaformanni nemendaráðs Fjörgynjar
- 19:30 – Skrekksatriði Foldaskóla sýnt
- 20:00-21:00 – Bingó
- 21:00-22:00 – Félagsmiðstöðvasprell
- Nýbakaðar vöfflur, kakó og kaffi verða í boði fyrir gesti og gangandi.
Dagskráin í Sigyn
Húsið opnar klukkan 19:00. Skrekks-atriði Rimaskóla sýnt klukkan 20:30.
Dagskráin í Höllinni
Húsið opið frá 17:00-19:00.
Ping pong, brjóstsykursgerð, stressboltagerð og tölvuleikir.
