Félagsmiðstöðin Fjörgyn – Foldaskóla

Home » Fjörgyn » Um Fjörgyn

Um félagsmiðstöðina Fjörgyn

Félagsmiðstöðin Fjörgyn – Foldaskóla
Sími: 695-5182 og 567-5566

Símanúmer í Gufunesbæ er 411-5600 en þangað má leita ef ekki næst í hin númerin.

Félagsmiðstöðin Fjörgyn tók til starfa 1.mars 1989 við hátíðlega athöfn. Soffía Pálsdóttir þáverandi forstöðumaður félagsmiðstöðvarinnar tók við lyklunum af þáverandi skólastjóra Arnfinni Jónssyni og borgarstjóra Reykjavíkur, Davíði Oddssyni. Nafnið Fjörgyn varð fyrir valinu en var það sótt í heima norrænnar goðafræði. Fjörgyn var móðir þrumaguðsins Þórs sem var sonur Óðins. Hún var því kraftakona og reynum við að vera jafn kröftug í því starfi sem við bjóðum upp á.

Félagsmiðstöðvar í Reykjavík starfa samkvæmt Starfsskrá skrifstofu tómstundamála (ÍTR)sem kom út vorið 2007 og er megináherslan lögð á starf fyrir unglinga á aldrinum 13-16 ára. Starf fyrir börn á aldrinum 10-12 ára hefur þó verið að aukast í félagsmiðstöðvunum í Grafarvogi undanfarin ár. Í starfi félagsmiðstöðva er lögð áhersla á að þjálfa samskiptafærni, auka félagsfærni, styrkja sjálfsmynd og efla samfélagslega virkni og þátttöku. Barna- og unglingalýðræði er hugmyndafræðin sem starfið byggir á og tryggir áhrif barna og unglinga á starfið. Kosningar í miðstigs- og unglingaráð eru í anda þessarar hugmyndafræði en mikilvægasta hlutverk ráðanna er að virkja sem flesta til þátttöku í starfinu ásamt því að standa fyrir og skipuleggja dagskrána.

Um Fjörgyn
Starfsmenn

Starfsmenn

  • Áslaug Einarsdóttir
    Áslaug Einarsdóttir Forstöðumaður Fjörgyn
  • Hafsteinn Bjarnason
    Hafsteinn Bjarnason Aðstoðarforstöðumaður í Fjörgyn
  • Konráð Gunnar Gottliebsson
    Konráð Gunnar Gottliebsson Frístundaleiðbeinandi
    • Sara Rós Tómasdóttir
      Sara Rós Tómasdóttir FRÍSTUNDALEIÐBEINANDI
      • Arnór Steinn Ívarsson
        Arnór Steinn Ívarsson FRÍSTUNDALEIÐBEINANDI
        • Þórunn Bríet Þrastardóttir
          Þórunn Bríet Þrastardóttir FRÍSTUNDALEIÐBEINANDI
          • Aníta Þula Cummings Benediktsdóttir
            Aníta Þula Cummings Benediktsdóttir FRÍSTUNDALEIÐBEINANDI
            Starfsáætlun

            Starfsáætlun…

            Gildi

            Gildi Gufunesbæjar

            Um Fjörgyn
            Reglur

            Almenn skilyrði fyrir þátttöku í starfi Fjörgynjar

             

            Samskipti:

            Það er lykilatriði að sýna virðingu og þroska í samskiptum við starfsfólk Fjörgynjar og aðra sem í félagsmiðstöðina koma. Það skiptir máli að þú hlustir vel á starfsfólk Fjörgynjar og farir eftir því sem það segir, en jafnframt að þú leitir til okkar ef upp koma vanda- eða ágreiningsmál.

            Vímuefni:

            Notkun áfengis, tóbaks, veips eða annara vímuefna er hvorki leyfileg í Fjörgyn, né íöðru starfi sem viðkemur félagsmiðstöðinni.

            Ofbeldi:

            Við viljum ekkert ofbeldi hér í Fjörgyn, hvorki líkamlegt né andlegt.

            Frágangur:

            Það þarf að ganga vel um húsnæði Fjörgynjar og alla hluti sem tilheyra
            félagsmiðstöðinni.

             

            Með því einu að mæta í Fjörgyn og taka þátt í starfi á vegum félagsmiðstöðvarinnar þá ert þú að samþykkja þessar reglur. Ef þú brýtur fyrrgreindar reglur getur þú átt von á því að verða vísað frá félagsmiðstöðinni tímabundið og að haft verði sambandi við foreldra/forráðamenn þína.

            Gangið hægt um gleðinnar dyr og flýtið ykkur rólega í lífinu.

             

            Kveðja

            Starfsfólk Fjörgynjar

            Contact Us

            We're not around right now. But you can send us an email and we'll get back to you, asap.

            Ólæsilegt? Breyttu textanum. captcha txt