Vikan í Fjörgyn verður full af fjörugum viðburðum. Á unglingastigi sem og miðstigi.
Hér fyrir neðan má sjá útlistaða dagskrá vikunnar.
Unglingastig (8. – 10.bekkur)
Þriðjudagskvöld (19:30 – 22:00) – Zombie og Stingermót
Á þriðjudagskvöldið verða tveir frábærir leikir í gangi hjá okkur. Farið verður í hin geysiskemmtilega Zombie, þar er um að ræða leik þar sem að samvinna er undirstaðan að árangri. Síðan dembum við okkur niður í íþróttasalinn og tökum gamla góða körfuboltaleikinn Stinger.
Miðvikudagur (13:00 – 16:30) – Spilafjör
Í Fjörgyn er fjöldin allur af spilum á svæðinu. Á miðvikudaginn ætlum við að nýta tækifærið og hafa spilaopnun ásamt því að opið verður í allt annað sem félagsmiðstöðin hefur uppá að bjóða.
Fimmtudagskvöld (19:30 – 22:00) – Slímgerð
Slímæði hefur geysað um land allt síðastliðna mánuði. Við í Fjörgyn tökum þátt í því og ætlum að efna til slímgerðar næstkomandi fimmtudag. Þar verður gert hið svokallaða Frekjuslím en meðal innihaldsefna í því eru raksápa, linsuvökvi og barnapúður!
Föstudagskvöld (19:30 – 22:30) – Heimsókn í félagsmiðstöð
Á föstudagskvöldið förum við í heimsókn í aðra félagsmiðstöð á höfuðborgarsvæðinu og kynnumst starfinu sem fer fram á þeim stað. Tökum gula eðalvagninn (lesist: strætó) á staðinn og tilbaka. Aðgangseyrir í strætó er í boði Fjörgynjar og því þarf fólk bara að mæta með góða skapið.
Miðstig (5. – 7.bekkur)
Þriðjudagur (15:00 – 17:00) – Tie-dye bolagerð (smiðja)
Á þriðjudaginn fer fram smiðja sem er ávallt skemmtileg. Um er að ræða tie-dye bolagerð, en þar eru bolir skreyttir með sérstökum litum og munstrum. Skráning er opin og fer fram á sumar.fristund.is. Kostnaður í smiðjuna er 500 krónur og er hvítur bolur innifalinn í því gjaldi.
Fimmtudagur (16:30 – 18:00) – Átkeppni Fjörgynjar
Átkeppni Fjörgynjar 2018 fer fram í vikunni. Alls lags át verður tekið fyrir og verður keppt í kappáti, blindraáti sem og sælkeraáti.
Föstudagur (16:30 – 18:00) – Vinaball 7.bekkja (7.bekkjaropnun)
Í lok vikunnar verður svo haldið heljarinnar ball hjá 7.bekkjum Húsa-, Hamra- og Foldaskóla. Vinaballinu er þannig háttað að unglingarnir mega bjóða með sér 2 vinum(jafnöldrum) úr öðrum skólum á ballið. Plötusnúðar halda fjörinu uppi og þá verður sjoppan opin á meðan ballinu stendur. Frítt er á ballið sem fer fram í Fjörgyn/Foldaskóla.