Frístundastarf fyrir 10-12 ára f. ´06-´08 Sumar 2019
Frístundamiðstöðin Gufunesbær býður upp á frístundastarf í sumar fyrir börn sem ljúka 5. – 7. bekk nú í vor. Um er að ræða 45 mismunandi smiðjur sem standa yfir í hálfan eða heilan dag. Nauðsynlegt er að skrá börnin í hverja smiðju á sumar.fristund.is en skráning hefst 15. maí klukkan 10:00. Verðskrá má sjá hér fyrir neðan.
Höllin er einnig með fjölbreytt starf alla virka daga fyrir fötluð börn frá 11. júní – 12. júlí og 6. ágúst – 16. ágúst.
Mikill fjölbreytileiki er í dagskránni og því ættu öll börn á þessum aldri að geta fundið eitthvað við sitt hæfi. Tímabil starfsins er frá 11. júní til 10. júlí. Smiðjurnar fara fram í félagsmiðstöðvunum í hverfinu sem og Gufunesbæ. Einnig verða hóparnir mikið á ferðinni.
Umsjónarmenn með smiðjunum verða:
- Gunnar Hrafn Arnarson (gunnar.hrafn.arnarson@reykjavik.is)
- Stefán Örn Kárason (stefan.orn.karason@reykjavik.is)
- Hafsteinn Bjarnason (hafsteinn.bjarnason@reykjavik.is)
- Stefanía Ýr Stefánsdóttir (stefania.yr.stefansdottir@reykjavik.is)
Foreldrum er bent á að ekki er um vistun að ræða. Mæting í smiðjur er á ábyrgð foreldra. Einnig er mikilvægt að börn komi klædd eftir veðri, með þann útbúnað sem er tilgreindur fyrir smiðjuna ásamt hollu nesti og vatnsbrúsa.
Athugið að ekki er hægt að nýta frístundakortið í sumarstarf á vegum SFS.
Ef foreldrar geta ekki nýtt sér rafræna innritun geta þeir fengið aðstoð við skráningu. Ekki er hægt að skrá börn í sumarstarf í gegnum síma. Starfsfólk frístundamiðstöðva og Símavers Reykjavíkurborgar (s. 411-1111) getur þó leiðbeint símleiðis ef foreldrar eru við nettengda tölvu.
Skráning hefst 15. maí kl. 10:00.
Gjaldskrá 2019 fyrir sumarsmiðjur félagsmiðstöðva fyrir 10-12 ára. Almennt gildir eftirfarandi verðskrá fyrir utan nokkrar dýrari smiðjur en það er tekið fram sérstaklega.
Sumarsmiðjur verð fyrir styttri smiðjur
700
Sumarsmiðjur verð fyrir lengri smiðjur
1.389
Ef sumarsmiðja stendur yfir í meira en einn dag er verðið margfaldað með fjölda daga.
Innheimt er fyrir smiðjur með einni greiðslu í lok tímabilsins, um miðjan júlí.
Ekki er veittur systkinaafsláttur af gjaldi í smiðjur.
Vinsamlega athugið að ef hætta á við þátttöku í smiðju þarf að tilkynna það skriflega til viðkomandi frístundamiðstöðvar að minnsta kosti viku áður en smiðja hefst (t.d. fyrir miðnætti á sunnudegi þegar smiðja hefst á mánudegi viku seinna). Ella verður námskeiðsgjald innheimt að fullu.
