Jæja þá er kominn fimmtudagur og erum við á leiðinni í Fjölskyldu og Húsdýragarðinn en þar er staðsett vísindatjald sem krakkarnir sækjast mikið í.

Í gær fórum við í sund í Kópavogi og skemmtum við okkur alveg gríðarlega vel!

Myndasíðan hjá okkur liggur niðri um stundarsakir en við vonum að hægt sé að skella inn myndum von bráðar

Vikan 28.júní-2.júlí er vika hreyfingar hjá okkur í Gleðilandi (Hvergiland og Vík).

Mánudagar eru heimadagar og eru börnin þá í úti- og innileikjum.

Í dag þriðjudag fórum við í keilu og börnunum til mikillar ánægju. Við komum við á Gubbu-róló en hann dregur nafn sitt af rólu einni sem er á róluvellinum. Börnin prófuðu róluna en sem betur fer varð engum meint af.

Við ætlum í sundlaugina á Álftanesi á morgun. 

Miðvikudaginn 23 júní fórum við í Nauthólsvík með sundföt. Það var sól og frábært veður og vorum við í sjónum og pottunum til skiptis. Frábær dagur.

Fimmtudaginn 24 júní fórum við í Húsdýragarðinn við góðar undirtektir hjá börnunum.

Föstudaginn 25 júní var farið í bæinn. Byrjuðum í Hljómskálagarðinum fórum síðan á Ingólfstorg og hlustuðum á hljómsveit sem var að spila þar. Síðan var rölt upp Laugarveginn og fengið sér að borða á Hjartatorginu. Síðan var fylgst með spæjurum sem voru á sveimi á Laugarveginum að lokum fengum við okkur íspinna og fórum heim.