Kraftur og Kelduskólasamfélagið ætla að perla af krafti sunnudaginn 27.maí frá kl. 13:00 til 17:00. Við skorum á fjölskyldur að koma og eiga ánægjulega stund í Kelduskóla Vík og perla saman til góðs HM2018 armböndin. Armböndin verða seld til stuðnings Krafti og munu einnig sýna samstöðu með íslenska fótboltaliðinu á HM. Armböndin eru með áletruninni „Lífið er núna“ og eru auðveld í samsetningu svo að allir geta tekið þátt, börn sem fullorðnir. Boðið verður uppá veitingar á staðnum. Við vonumst til að sjá sem flesta koma og taka þátt í þessu skemmtilega verkefni.
Allur ágóði af sölu armbandanna rennur til Krafts – stuðningsfélags fyrir ungt fólk sem greinst hefur með krabbamein og aðstandendur þeirra. Hægt verður að kaupa armböndin líka strax á staðnum.