Frístundaheimilið Tígrisbær er staðsett við Rimaskóla í Grafarvogi. Tígrisbær er eitt af átta starfandi frístundaheimilum sem tilheyra frístundamiðstöðinni Gufunesbæ.
Frístundaheimilið er staðsett í skálum við skólalóð Rimaskóla. Eldri börnin nýta aðstöðu með félagsmiðstöðinni Sigyn. Einnig höfum við aðgang að bókasafni, tölvustofu, heimilisfræðistofu og íþróttahúsi.
Við leggjum áherslu á barnalýðræði í starfsemi okkar þar sem börnin velja sjálf hvað þau leika sér með og hverju þau taka þátt í. Boðið er uppá skipulagða dagskrá fyrir alla aldurshópa og það er val barnanna hvort þau taki þátt í dagskránni eða séu þá í frjálsum leik í Tígrisbæ. Innra skipulag er byggt upp þannig að yngstu börnin fá mest frjálsan leik en tilboðum fjölgar svo eftir því sem þau verða eldri og einnig á vorönn. Hópa-og klúbbastarf er sniðið eftir aldri og þroska barnanna en einnig eftir áhugasviði þeirra.
Hálfsmánaðarlega erum við með barnaráð sem fær að ráða einum degi í komandi viku. Þá er dregið í ráðið í byrjun vikunnar, þau funda undir lok vikunnar og komast að sameiginlegri niðurstöðu um hvað eigi að borða og hvaða þema verður í gangi daginn sem þau velja. Öll börn í Tígrisbæ fá að sitja einu sinni hvert skólaár í barnaráði.
Tilgangur frístundaheimilisins er að veita börnunum tækifæri til að stunda frístund við þeirra hæfi. Í Tígrisbæ læra börnin að vera vinir, góð hvert við annað og hvernig á að leika sér fallega.
Vinnur fimmtudaga og föstudaga
Vinnur mánudaga, þriðjudaga, fimmtudaga og föstudaga
Vinnur alla daga
Vinnur alla daga
Vinnur þriðjudaga, miðvikudaga og föstudaga
Vinnur alla daga
Vinnur alla daga
Vinnur mánudaga, þriðjudaga, miðvikudaga og fimmtudaga
Vinnur alla daga til kl. 16:30
Vinnur fimmtudaga og föstudaga
Vinnur alla daga
Starfsáætlun…