Fókus er með virkt klúbbastarf fyrir unglinga og starfandi Fókusráð sem samanstendur af unglingum sem skipuleggja dagskrá og viðburði á vegum félagsmiðstöðvarinnar. Félagsmiðstöðin er starfandi allt skólaárið og meiri hluta sumars, en á sumrin eru starfræktar smiðjur fyrir 5.-7. bekk og opnanir, námskeið, ferðir og vinnuskólahópar fyrir 8.-10.bekk.
Í Fókus er vel útsett stúdíó og hlaðvarpsaðstaða þar sem unglingarnir geta tekið upp og unnið sína eigin tónlist og hlaðvarpsefni en margir vinna lokaverkefni sín í félagsmiðstöðinni.
Fókus er í virku og góðu samstarfi við bæði Ingunnarskóla og hinar félagsmiðstöðvarnar í hverfinu og þá sérstaklega Fellið og Plútó. Félagsmiðstöðin sinnir vali í samstarfi við skólann, tekur a móti börnum og unglingum í hópefli og fer með fræðslur inn í bekki.