Lengd viðvera hjá frístundaheimilunum er í boði í jóla- og páskafríum skólans, einnig á starfsdögum og þá daga sem foreldraviðtöl eru. Skrá þarf sérstaklega ef foreldri ætlar að nýta þjónustuna fyrir barnið sitt.
Um skráningu
Hægt er að skrá frá kl. 8:00-13:30, 13:30-17:00 eða allan daginn frá kl. 8:00-17:00.
Frístundaheimilið tekur ekki á móti óskráðu barni.
Fjöldi starfsmanna og vaktir þeirra eru ákveðnar út frá barnafjölda og þess vegna er skráning mikilvæg.
Foreldrar geta afskráð barn á meðan skráning er opin.
Eftir að skráningu lýkur er skránin bindandi.
Skráningu lýkur á miðnætti, viku áður en lengd viðvera rennur upp.
Ef lengd viðvera er marga daga í röð er einn skráningarfrestur fyrir alla dagana (jólafrí, páskafrí, samliggjandi starfsdagar/foreldraviðtöl)