Eftir fund Almannavarna og stjórnenda SFS mun félagsmiðstöðvastarf í Reykjavík taka miklum breytingum.
Í ljósi nýrra viðmiða sem gefin hafa verið út af hálfu skóla- og frístundasviðs Reykjavíkurborgar verður lögð megináhersla á að þjónusta unglinga í gegnum netið eftir nýjum leiðum. Farið verður af stað með rafrænar félagsmiðstöðvar og gerðar hinar ýmsu tilraunir með notkun internetsins. Minna verður um hittinga í félagsmiðstöðvunum en það verður gert í samræmi við bekkjarskipulag í hverjum grunnskóla.
Því miður mun opið starf hjá 10-12 ára leggjast af að svo stöddu. Unglingar fá yfirleitt færri skólatíma og vegna fáliðunnar í starfsmannahópi félagsmiðstöðvanna þarf að grípa til þessara aðgerða.
Áætlað er að bjóða 10-12 ára upp á rafrænan vettvang en það verður auglýst síðar á heimasíðum hverrar félagsmiðstöðvar.
Ekki verður gefin út dagskrá félagsmiðstöðva fram í tímann en hóparnir munu fá upplýsingar um sína opnun í gegnum samfélagsmiðla og í skólunum.
Foreldrar geta fylgst með á heimsíðum félagsmiðstöðvanna.
Hafið þið góðar ábendingar er varðar starfið eða um stöðu ykkar barns/unglings ekki hika við að hafa samband við ykkar félagsmiðstöð.