Frístundaheimili Gufunesbæjar verða með sumarfrístund frá 14. júní. Miðað er við að börnin séu í virkri dagskrá kl. 9:00-16:00. Hægt er að kaupa viðbótarstund frá kl. 8:00-9:00 og frá kl. 16:00-17:00.
Sumarstarfið byggir á áralangri reynslu og starfsmenn hafa starfað með börnum í frístundaheimilum Gufunesbæjar. Í upphafi hverrar viku er gerð dagskrá sem byggir á frjálsum leik, hreyfingu, útiveru, skapandi starfi, smiðjum, þemadögum og ferðum. Áhersla er lögð á að virkja börnin til ákvarðanatöku um hina ýmsu þætti starfsins. Við dagskrárgerð er reynt að hafa mismunandi dagskrá fyrir ólíka aldurshópa og samstarf verður milli frístundaheimila varðandi börnin úr 3. og 4. bekk t.d. um lengri ferðir.
Skráð er fyrir viku í senn og lýkur skráningu kl.12:00 á föstudegi fyrir komandi viku. Ef hætta á við þátttöku á námskeiði þarf að tilkynna það skriflega til viðkomandi frístundaheimilis/frístundamiðstöðvar viku áður en námskeið hefst (fyrir miðnætti á sunnudegi vegna námskeiðs sem hefst á mánudegi viku seinna), ella verður námskeiðsgjald innheimt að fullu.
Gufunesbær áskilur sér rétt til þess að sameina námskeið ef þátttaka á hverjum stað er ekki næg og verða forráðamenn þá látnir vita um breytingar um hádegi á föstudegi áður en námskeið hefst.
Allir staðir bjóða upp á sumarfrístund frá 14. júní til og með 9. júlí. Lokað verður frá 10. júlí til og með 8. ágúst nema í Tígrisbæ þar sem verður sameiginleg opnun vikuna 3. – 6. ágúst. Þá viku munu starfsmenn frá öðrum frístundaheimilum Gufunesbæjar vinna saman í Tígrisbæ. Allir staðirnir bjóða aftur upp á þjónustu frá 9. – 20. ágúst.
Skráning hefst 27. apríl kl. 10:00 á www.sumar.fristund.is
Brosbær í Engjaskóla, 411-7770/695-5191 http://gufunes.is/brosbaer
Hvergiland í Borgarskóla, 411-7789/6955198 http://gufunes.is/hvergiland
Kastali í Húsaskóla, 411-5622/695-5194 http://gufunes.is/kastali
Regnbogaland í Foldaskóla, 567-2122/695-5192 http://gufunes.is/regnbogaland
Simbað sæfari í Hamraskóla, 587-9050/695-5193 http://gufunes.is/simbad
Tígrisbær við Rimaskóla, 411-7736/695-5196 http://gufunes.is/tigrisbaer
