Í þessari viku verða hinir árlegu Grafarvogsleikar haldnir hjá félagsmiðstöðvum Gufunesbæjar. Félagsmiðstöðvarnar eru þá ekki með hefðbundnar kvöldopnanir heldur verður keppt í hinum ýmsu greinum, allt frá körfubolta að hugaríþróttum. Dagskráin er svohljóðandi:
Mánudagskvöldið kl 19 í Egilshöll er keppt í fótbolta, blindstýringu, spretthlaupi, langstökki og Nerf skotkeppni.
Þriðjudagskvöldið kl 19 í Fjörgyn við Foldaskóla er keppt í dodgeball, bandý, borðtennis, pool, kappáti, pílukasti og málað á striga.
Miðvikudagskvöldið kl 19 í Púgyn við Kelduskóla Vík er keppt í körfubolta, Fortnite, Fifa, Hungry Hippo, að senda sms, fótboltaspil, hugaríþróttir og Minute to win it.
Á föstudaginn endum við vikuna svo á balli í Sigyn þar sem úrslit keppnisvikunnar verða tilkynnt. Ballið er frá 20-22:30 og er opið öllum unglingum í Grafarvogi og á Kjalarnesi.
Áfram Sigyn!
