Útilífssvið Brúarinnar starfrækir Miðstöð útivistar og útináms (MÚÚ) sem er miðlæg þekkingarstöð á sviði útivistar og útináms fyrir skóla- og frístundarstarf í Reykjavík. Sviðið heldur einnig utan um starfsemi frístundagarðsins við Gufunesbæ og skíðabrekkur borgarinnar. Þar er lögð áhersla á að þessi svæði séu eftirsóknarverður vettvangur fyrir alla aldurshópa til að stunda fjölbreytta útivist og frístundaiðkun, árið um kring.
Frístundagarðurinn
Frístundagarðurinn býður upp á fjölbreytta aðstöðu til útivistar, útináms, afþreyingar og menningar fyrir alla aldurshópa og veitir sértæka þjónustu á svæðinu til að styðja við þennan þátt í frístunda- og skólastarfi sem og í lífi borgarbúa.
Miðstöð útivistar og útináms (MÚÚ) er miðlæg þekkingarstöð á sviði útivistar og útináms fyrir skóla- og frístundarstarf í Reykjavík, þar sem leitast er eftir að efla og styrkja þekkingu starfsfólks í skóla- og frístundastarfi borgarinnar um útivist, útinám og sjálfbærni.
Útilífssvið Brúarinnar sér um rekstur og viðhald skíðasvæða borgarinnar. Innan borgarmarkanna eru þrjár skíðalyftur sem ætlaðar eru börnum og byrjendum. Þær eru í Ártúnsbrekku við Rafstöðvaveg, í Breiðholti við Jafnarsel og í Grafarvogi við Dalhús.